Connect with us

Мексиканците разочарани: Меси ја направи разликата

Магијата на голманот на фудбалската репрезентација на Мексико, Гиљермо Очоа, не вроди со плод против Лионел Меси и Аргентина.


„Разликата беше во тоа што го имаа Лионел Меси“, изјави Хенри Мартин по пресметката на Светското првенство што заврши со успех за Аргентинците од 2-0.

Меси го постигна првиот гол на натпреварот и асистираше за вториот погодок на „гаучосите“.

„Мислам дека направивме добра работа, но за жал доживеавме пораз“, додаде Хенри Мартин.
„Несомнено многу боли, но веќе почнуваме да размислуваме за нашиот претстоен натпревар бидејќи имаме последна шанса и мораме да ја искористиме“, додаде мексиканскиот интернационалец.

Селекцијата на Мексико останува без победа против Аргентина по четири натпревари на Светското првенство.

Advertisement
Advertisement
Advertisement

Facebook

Тимови