Натпреварот меѓу Пари Сен Жермен и Башакшехир кој беше прекинат поради расистички навреди на четвртиот судија Себастијан Колтеску кон напаѓачот на турскиот тим Демба Ба и кон асистентот Пјер Вебо, УЕФА го одложи за утре. Закажан е за 18.55 часот, во првиот термин за одигрување мечеви од ЛШ, заедно со дуелите Ајакс – Аталанта и Митјиланд – Ливерпул. Ќе бидат делегирани нови судии.
Скандалозен прекин имаше натпреварот во 13.минута откако гостинскиот тим Башакшехир реагираше на односот на четвртиот судија кон Демба Ба. Турскиот состав одлучи да замине во соблекувалната не сакајќи да го продолжи натпреварот. УЕФА одлучи натпреварот да се одигра утре.
