Француската суперѕвезда на ПСЖ, Килијан Мбапе, резервирал куќа во Мадрид, пренесува „Ел Чирингито“.
Според шпанскиот извор, тоа значи дека 25-годишниот Французин следното лето ќе се пресели во Реал Мадрид. Напаѓачот наводно е во директен контакт со претседателот на мадридскиот клуб Флорентино Перез.
На 1 јануари беше објавено дека Реал доставил официјална понуда до францускиот фудбалер и поставил краен рок за донесување одлука – средината на јануари.
Договорот на Мбапе со ПСЖ е до летото 2024 година, без индикации за продолжување во моментов.
Сезонава асот на парижаните одигра 22 натпревари во сите натпреварувања, постигна 21 гол и две асистенции.
