Килијан Мбапе „не се согласува“ со користење на неговиот имиџ за кампањата за продажба на сезонски билети, објави фудбалерот на својот Инстаграм профил.
„Во ниту еден момент не бев информиран за ова“, напиша париската ѕвезда откако ја виде промотивната кампања во која тој е главна ѕвезда.
„Ова изгледа како основно интервју за време на маркетинг ден за клубот. Не се согласувам со објавеното видео“, додаде тој.
„Затоа се борам за правата на индивидуалниот имиџ. ПСЖ е голем клуб и големо семејство, но ова не е Килијан Сен Жермен“, заклучи тој.
Мбапе е единствениот што зборува во промотивниот филм за кампањата за обновување на сезонските билети за сезоната 2023-2024, со оглед дека од другите големи ѕвезди на парижаните,
Лионел Меси би можел да си замине по крајот на договорот во јуни, а повредениот Нејмар е отсутен.
Во клипот се појавуваат и новите таленти на клубот Ворен Заир-Емери, Исмаил Гарби и Илиес Хусни, како и португалскиот репрезентативец Нуно Мендеш, како и градинарот на стадионот.
„12-тиот играч е тој што ни дава дополнителна сила да ги водиме нашите битки“, вели Мпабе во клипот. „Да се биде дел од Париз значи да се гордееш со тоа што си и да не заборавиш од каде доаѓаш“, додаде напаѓачот.
Пари Сен Жермен се уште не одговорил на ставот на Килијан Мбапе. Фудбалерот одбива да учествува во реклами и за француската репрезентација.
