Французинот Килијан Мбапе испиша нова историја во Лигата на шампионите. Во натпреварот од шестото коло од групната фаза на ЛШ, тој вечерва против Клуб Бриж ја мина границата од 30 гола во елитното натпреварување.
На напаѓачот на ПСЖ му беа потребни само минута и 12 секунди за да го постигне својот прв гол против Бриж. Со тој гол, со 22 години и 352 дена стана најмладиот фудбалер во тоа натпреварување достигнувајќи ја бројката од 30 гола.
Тоа е и најбрзиот гол во Лигата на шампионите од септември 2016 година, кога Единсон Кавани постигна гол против Арсенал во 42. секунда.
Мбапе во седмата минута го постигна својот втор гол на натпреварот, а негов 31. гол во Лигата на шампионите.
