Реал Мадрид размислува да го ангажира напаѓачот на Галатасарај, Мауро Икарди, како замена за повредениот Бразилец Винисиус Жуниор, пренесува „Tuttomercatoweb“.
Шпанскиот клуб може да го придобие аргентинскиот напаѓач во зимскиот преоден рок и за него е подготвен да плати 15 милиони евра.
Винисиус Жуниор се здоби со скинат бицепс феморис мускул и сѐ уште не е јасно колку време ќе биде надвор од терените. Сигурно нема да игра до крајот на јануари.
30-годишниот Икарди оваа сезона одигра 20 натпревари за Галатасарај во сите натпреварувања, постигнувајќи 15 гола и три асистенции.
Актуелниот договор на Аргентинецот е до летото 2026 година.
