Маурицио Сари се враќа во Серија А од следната сезона. Тој ќе седне на клупата на Лацио и ќе го води во наредните две сезони.
Сари ќе потпише двегодишен договор со Лацио вреден три милиони евра по сезона со можен бонус од еден милион евра во зависност од резултатите.
Клубот многу брзо ќе го претстави Сари како нов тренер, а тој ќе го замени Симоне Инзаги на клупата на римскиот клуб. Тој пак замина на клупата на Интер.
По едногодишна пауза, Сари се враќа на тренерската позиција, а во претходниот период беше на платен список на Јувентус со кој ја освои шампионската титула во 2020 година.
