Мато донесе предност за Вардар пред полувремето

Вардар има предност од 1-0 против Лозана по првото полувреме од воведниот дуел од второто квалификациско коло во Конференциската лига. Роџерс Мато ја затресе мрежата на Лозана во 45.минута откако реагираше одлично по одбиената топка од гостинскиот голман.

Претходно, Димитар Тодоровски упати силен удар од 18 метеи, а гостинскиот голман Карло Летикс беше принуден да ја одбие топката, на која налета Мато.

Вардар беше најмалку рамноправен, а на моменти и подобар противник во првото полувреме. Две шанси имаше и Азер Омерагиќ, но не успеа да постигне погодок.