Матео Ковачиќ станува „граѓанин“

Хрватскиот фудбалер Матео Ковачиќ прави трансфер во Манчестер Сити за сума од 35 милиони евра. Според договорот на двата клуба, 30 милиони евра ќе бидат платени како фиксно обесштетување, а пет милиони евра преку бонуси.

Ковачиќ пристигна во Челси во 2019 година од Реал Мадрид за 45 милиони евра. За лондонскиот клуб одигра најмногу натпревари во кариерата, дури 221. Притоа, постигна шест гола и асистираше 15 пати.

Претходно играше за Реал Мадрид, Интер и за Динамо Загреб.