Актуелниот светски шампион Аргентина ќе ја има својата селекција на Олимписките игри во Париз благодарение на големата победа од 1-0 над Бразил во претквалификациите.
Селекторот на селекцијата до 23 години е познато фудбалско име – Хавиер Маскерано, а со оглед дека со години играше со Лео Меси и со Анхел ди Марија, се очекува да тој да лобира тие да се појават во составот на „гаучосите“ во Париз.
„Треба да бидеме внимателни. Сите го знаат мојот однос со Лео и со Анхел. Ние сме пријатели. Како селектор имам обврска да ги повикам, но се подразбира и дека имаат други обврски и од тоа ќе зависи. Не е толку едноставно. Има време да се зборува за тоа“, изјави Маскерано за „Марка“.
Маскерано беше двократен олимписки шампион со Аргентина во 2004 година во Атина и 2008 година во Пекинг. Во тимот кој го одбрани златото беше и Лео Меси.
