Претседателот на Фудбалската федерација на Македонија, Масар Омерагиќ и Горан Пандев, спортскиот директор на националните репрезентации, имаа средба со македонскиот „дијамант“, Елиф Елмас. Нашата репрезентативна ѕвезда се наоѓа пред заминување од Лајпциг, каде не добива голема минутажа, но затоа секогаш го дава максимумот во дресот на Македонија.
„Доаѓаат големи работи“, најавуваат челниците на ФФМ.
На покана од Фудбалската федерација на Германија (ДФБ), првите луѓе на македонскиот фудбал се дел од престижниот јубилеј – 125 години на ДФБ.
