Бразилецот Марсело ќе го напушти „Сантијаго Бернабеу“ на крајот од сезоната. Левиот бек на Реал Мадрид донел одлука да замине по повеќе од една деценија затоа што чувствува дека полека го губи местото во стартниот тим, а за следна дестинација во кариерата ја избрал Серија А.
За неговиот потпис се заинтересирани Јувентус и Интер, а Марсело се чини дека го преферира актуелниот италијански првак поради одличните односи со Кристијано Роналдо. Португалецот постојано му сугерира дека преселба во Торино би била вистинската опција за него.
