Данскиот интернационалец Кристијан Ериксен, кој дојде како големо засилување од Тотенхем, ќе го напушти Интер во зимскиот преоден рок. Тоа го потврди официјално и Џузепе Марота.
„Ериксен е ставен на трансфер – листа и ќе замине од Интер во зимскиот преоден рок. Тој не е функционален во нашите планови и треба да замине на друго место каде ќе има повеќе простор за напредок и игра“, изјави Џузепе Марота.
Антонио Конте одлучи Ериксен да го напушти Интер со оглед дека не се вклопува во неговите тактички замисли. Данецот воопшто и не е во составот на Интер на денешниот меч против Верона.
