Интер го победи Јувентус со 4-2, по продолженија, во финалето на Купот на Италија и го освои вториот трофеј оваа сезона. Јунак на мечот беше Иван Перишиќ, кој за три минути во продолженијата ја урна „старата дама“, а по мечот се огласи спортскиот директор на Интер, Џузепе Марота.
„Морам да потсетам дека статистички ги имаме најдобрите напаѓачи во Серија А. Имаме силен напад. Задоволни сме од нашите напаѓачи и сакаме да ги задржиме за следната сезона“, изјави Марота.
Како што сега стојат работите, Пауло Дибала нема да потпише за Интер како што беше најавено. Се чини дека челниците на „нероаѕурите“ се предомислиле.
