Марко Верати и официјално стана нов играч на катарскиот клуб Ал-Духаил, потврди клубот. Поранешниот играч на ПСЖ, кој изминатите две години настапуваше за Ал-Араби, по истекот на договорот со стариот клуб решил да направи промена и да се пресели кај ривалот.
Деталите за времетраењето на договорот на 32-годишниот италијански репрезентативец со Ал-Духаил засега не се откриени.
Во последното издание на катарското првенство, Ал-Духаил заврши како второпласиран, додека Ал-Араби се најде на деветтото место на табелата.
