Поранешниот македонски репрезентативец Марио Ѓуровски, кој сега е тренер на Муангтонг Јунајтед во првенството на Тајланд, го доби признанието за најдобар менаџер во лигата за месец февруари. Тој го предводеше тимот до шест првенствени победи и еден триумф во Купот на Тајланд, а Муангтонг загуби само еднаш во февруари.
„Ја добив наградата за најдобар менаџер во февруари и ја споедлувам со сите во Муангтонг, фудбалерите, стручниот штаб и сите вработени, како и со навивачите. Имаме уште пет натпревари до крајот на долгата и напорна сезона и би ве замолил да верувате во нас. Можам да кажам дека Муангтонг Јунајтед се движи по вистинскиот пат“, истакна Марио Ѓуровски.
