Турскиот второлигаш Манисапор е заинтересиран за дефанзивецот на Силекс, Арсим Љамалари. Доколку се склопат коцките, одбранбениот фудбалер на кратовскиот тим би можел оваа зима да направи трансфер во Турција.
Љамалари одигра одлична полусезона во дресот на Силекс, а со тоа и го привлече вниманието на поголем дел од македонските клубови, но се отвори опција и за заминување во странство.
Манисаспор во моментов се наоѓа на седмата позиција на табелата во Втората лига на Турција, но има само два бода помалку од второпласираниот Самсунспор, па има амбиции и за влез во елитата.
