Хрватскиот интернационалец Марио Манџукиќ заминува од „Сан Сиро“. Тој нема да го продолжи договорот со „росонерите“ и по шестмесечна соработка го напушта Милано. Ветеранот како слободен агент ќе побара нова фудбалска средина.
„Благодарен сум што добив шанса да бидам дел од голем клуб како Милан. Можеби не успеав да се оддолжам со настапи поради повредите кои ги имав во изминатиот период, но најважно е што тимот успеа во мисијата да обезбеди пласман во Лигата на шампионите. Милан заслужува да биде дел од елитата“, изјави Марио Манџукиќ.
