Фудбалската репрезентација на Италија оствари триумф (0-2) на гости против Бугарија и има успешен старт на квалификациите за СП 2022 година, со две победи на два меча. Претходно „аѕурите“ ја совладаа и Северна Ирска со 2-0 на домашен терен.
Роберт Манчини е на чекор да го израмни рекордот на Марчело Липи како селектор на Италија. Триумфот против Бугарија беше 24. меч без пораз за неговата селекција и му недостига само уште еден натпревар без да загуби за да го израмни ефектот на Марчело Липи, кој од 2004 до 2006 година забележа 25 натпревари без пораз и ја освои титулата на Светското првенство во Германија.
На овие 24 натпревари без пораз, селекцијата на Италија предводена од Роберто Манчини победи 18 пати, а на последните 14 натпревари прими само три гола.
