Селекторот на фудбалската репрезентација на Италија, Роберто Манчини, донесе одлука да го повика десниот бек на Јувентус, Матија Де Шилјо, на местото на повредениот Џовани Ди Лоренцо од Наполи.
Ди Лоренцо го повреди коленото изминатиот викенд, на дуелот меѓу Наполи и Удинезе. Според лекарските проценки, тој ќе паузира еден месец, што секако ќе биде голем проблем и за тренерот на „наполитанците“, Лучијано Спалети.
Италија ќе ја пречека Македонија в четврток, на стадионот „Ренцо Барбера“ во Палермо, во бараж за пласман на Светското првенство во Катар.
