Манчестер Сити оствари триумф (0-4) на гости против Фулам и се искачи на првата позиција на табелата во Премиер-лигата. Доколку „граѓаните“ успеат да ги победат и останатите натпревари до крајот на шампионатот, ќе ја одбранат титулата.
Јошко Гвардиол беше стрелец на првиот гол за Манчестер Сити. Тој во 13.минута одлично се уфрли од левата страна, влезе во шеснаесетникот и го совлада Бернд Лено.
Фил Фоден во 59.минута зголеми на 0-2, а Гвардиол во 71.минута со својот втор гол го реши победникот.
Во последните мигови беше досуден пенал, а Хулијан Алварез беше успешен реализатор за конечни 0-4.
Утре Арсенал го очекува гостување на „Олд Трафорд“ и дуел со Манчестер Јунајтед.
