Англискиот шампион Манчестер Сити подготвува изненадувачка понуда за дефанзивец од Јувентус, информираат во Италија.
Пеп Гвардиола и неговиот тим се заинтересирани за десниот бек Николо Савона, а „граѓаните“ ќе направат сѐ што е можно да го обезбедат неговиот потпис уште во зимскиот трансферен прозорец.
Одбраната на Сити оваа сезона е кошмарна. „Граѓаните“ примија вкупно 27 гола – повеќе од било кој друг тим во топ 6 на Премиер – лигата.
Изгледа дека клубот исто така се подготвува за можен заминување на искусниот Кајл Вокер, кој најверојатно ќе се пресели во Саудиска Арабија, ако не во јануари, тогаш речиси сигурно по завршување на сезоната.
Не се наведува дали Јувентус е подготвен да се раздели со талентот и по која цена.
