Англискиот првак Манчестер Сити немаше милост за Арсенал на „Итихад“ во воведниот меч од новото коло во Премиер – лигата. „Граѓаните“ славеа со 5-0, пропуштија уште дузина шанси и веројатно му пресудија на Микел Артета, со оглед дека неговиот тим има три пораз од стартот на сезоната.
Илкај Гундоган во седмата минута го отвори резултатот, Феран Торес зголеми на 2-0 пет минути подоцна, а надежите на Арсенал згаснаа по црвениот картон на Гранит Џака во 35.минута.
Пред крајот на првиот дел Габриел Хесус постигна трет гол, а во второто полувреме стрелаа и Родри и повторно Феран Торес за конечни 5-0.
