Англискиот премиерлигаш Манчестер Јунајтед отпадна од трката за Ерлинг Халанд. Норвежанецот на лето речиси сигурно ќе ја напушти Борусија Дортмунд, а „ЕСПН“ тврди дека сигурно нема да ја продолжи кариерата во Јунајтед.
Раководството на „црвените ѓаволи“ се обидуваше да остане во трка за ангажман на одличниот напаѓач, но Халанд не размислува за преселба во Премиер – лигата.
Главни фаворити за доведување на норвешкото голгетерско чудо се Барселона и Реал Мадрид. Пари Сен Жермен исто така се надева дека тој би можел да биде вистинската замена за Килијан Мбапе, доколку францускиот ас и дефинитивно одлучи на лето да се пресели на „Сантијаго Бернабеу“.
