Холандскиот стручњак Ерик тен Хаг е новиот менаџер на Манчестер Јунајтед, објави клубот од „Олд Трафорд“. Тој ќе почне да работи во англискиот премиерлигаш по завршувањето на оваа сезона, а склучи договор до летото 2025 година.
„За мене е голема чест да бидам назначен за менаџер на Манчестер Јунајтед и исклучително сум возбуден поради претстојниот предизвик. Ја знам историјата на овој голем клуб и страста на навивачите. Решен сум да го развијам тимот за да биде способен да го постигне успехот што таков клуб го заслужува“, изјави Тен Хаг.
