Манчестер Јунајтед е заинтересиран за напаѓачот на Лајпциг, Луис Опенда, за следната сезона.
Германскиот клуб не сака да го продаде 23-годишниот играч во јануари, откако играчи како Кристофер Нкунку, Јошко Гвардиол и Доминик Шобошлаи летото се преселија од Лајпциг во Премиер – лигата.
Опенда му се приклучи на клубот од Бундес-лигата од Ленс во јули 2023 година за сума од 43 милиони евра.
Напаѓачот има пет гола и две асистенции во 11 натпревари за Лајпциг од почетокот на сезоната. Неговиот договор со клубот е до летото 2028 година.
