Францускиот претседател Емануел Макрон ги потврди информациите дека овојпат не се обидел да го убеди Килијан Мбапе да остане во Пари Сен Жермен. Пред две години, кога напаѓачот беше на слична позиција со истечен договор, шефот на државата разговараше со него, помагајќи му на играчот да одлучи повторно да потпише.
Сепак, Мбапе сега изгледа решен да си замине на лето бидејќи се очекува да го засили Реал Мадрид.
Во вторникот вечерта, Мбапе му беше гостин на Макрон во Елисејската палата како дел од списокот на познати личности кои присуствуваа на посетата на катарскиот емир.
„Дали разговаравме за неговата иднина со Мбапе? Не, не сме разговарале за тоа. Тоа го оставам на раководството на неговиот клуб. На крајот на краиштата, тој помина седум сезони во ПСЖ“, изјави денеска Макрон.
