МАКФУДБАЛ ТРЕНЕР на колото: Ѓорѓе Стојчев (Академија Пандев)

Академија Пандев го промени стручниот штаб во зимскиот преоден рок. Замина Александар Васоски кој прифати интернационале предизвик и го презеде Сараево, а раководството на струмичкиот прволигаш одлучи да му даде доверба на Ѓорѓе Стојчев да биде главен тренер на тимот.

И на своето деби пред струмичката публика на официјален првенствен натпревар, Ѓорѓе Стојчев оствари убедлив триумф (5-0) над Скопје. Иако ривалот не е од самиот врв на македонскиот клупски фудбал, сепак, „петардата“ звучно одекна овој викенд.

Академија Пандев делуваше разиграно, агресивно и со нагласена желба за постигнување голови. Ваквото издание на тимот, на Ѓорѓе Стојчев му го донесе епитетот МАКФУДБАЛ ТРЕНЕР на 20.коло во Првата фудбалска лига.

Тој го предводи МАКФУДБАЛ ТИМОТ НА КОЛОТО ВО ПРВАТА ЛИГА.