Силекс постигна и многу повеќе од тоа што многумина очекуваа, по враќањето во елитата. Кратовскиот тим во текот на целата сезона игра стабилно, има свој идентитет како тим и секогаш знае која е неговата цел.
Во Тетово замина да остане непоразен и да ја сопре победничката серија на Шкендија, и успеа во тоа. Тренерот Горазд Михајлов успеа да изгради цврст бедем пред сопствениот гол, но и еластичен и подвижен среден ред кој не беше надигран од домаќинот. Поради ова, Горазд Михајлов е избран за МАКФУДБАЛ ТРЕНЕР на 29.коло во Првата лига. Тој го предводи МАКФУДБАЛ ТИМОТ НА КОЛОТО.
