МАКФУДБАЛ ТРЕНЕР НА КОЛОТО: Борче Христов

Работнички конечно успеа да ја прекине лошата серија резултати и оствари важна победа. „Романтичарите“ ја совладаа Брегалница во Штип со 1-2, го разбија „малерот“ за непостигнат гол и освоија три бода.

Новиот тренер Борче Христов успеа да ја врати самодовербата кај фудбалерите на Работнички, а го врати и напаѓачкиот стил на игра. „Романтичарите“ создадоа неколку убави шанси против Брегалница во Штип, а најважно е што се подобри и реализацијата.

Борче Христов е изборот за МАКФУДБАЛ ТРЕНЕР на 17.коло во Првата лига иако имаше голема конкуренција и во стратегот на Македонија ЃП, Муарем Бајрами. Тој го предводи МАКФУДБАЛ ТИМОТ НА КОЛОТО.