Шкупи обезбеди сериозна предност по првиот дел од сезоната, а Академија Пандев е најпријатното изненадување. Струмичани успеаја да се вметнат меѓу главните кандидати за титулата, Шкупи и Шкендија. Актуелниот шампион секако можеше повеќе и е разочарување.
Брегалница покажа дека може да се носи дури и со најдобрите во елитата и ќе презими на четвртата позиција, а Ренова, Македонија ЃП и Струга Трим Лум се во „златната средина“.
Работнички сигурно може многу повеќе од тоа што го прикажа оваа есен, Скопје ќе се бори да го избегне баражот, а сигурно најголемо разочарување е Пелистер кој цела есен не успеа да обезбеди ниту една победа.
Тиквеш живна по доаѓањето на Влатко Костов, а Борец живурка и се надева дека може да го избегне најлошото.
МАКФУДБАЛ го издвои најдобриот тим за првиот дел од првенството во Првата лига, а во него дури шестмина се странци кои настапуваат во македонскиот шампионат.
МАКФУДБАЛ ТИМ НА ПОЛУСЕЗОНАТА
- КРИСТИЈАН НАУМОВСКИ (ШКУПИ)
- ФАУСТИН СЕНГОР (ШКУПИ)
- ЈАН КРИВАК (ШКЕНДИЈА)
- КЛИСМАН ЦАКЕ (СТРУГА ТЛ)
- ЛУКА СТАНКОВСКИ (РАБОТНИЧКИ)
- ЕРМЕДИН АДЕМ (МАКЕДОНИЈА ЃП)
- РЕМЗИФАИК СЕЛМАНИ (РЕНОВА)
- ФРЕДИ АЛВАРЕЗ (ШКУПИ)
- МАРТИН МИРЧЕВСКИ (АКАДЕМИЈА ПАНДЕВ)
- САНДЕЈ АДЕТУНЏИ (ШКУПИ)
- СИНДРИТ ГУРИ (ШКЕНДИЈА)
ТРЕНЕР НА ПОЛУСЕЗОНАТА: ГОЦЕ СЕДЛОСКИ
