Тој е новата млада ѕвезда на македонскиот фудбал. Со 18 години е најдобриот играч на Работнички, блеска во полн сјај во Првата фудбалска лига и го сврте кон себе вниманието на големите европски клубови.
Игра во средниот ред, каде одговорноста е веројатно и најголема, но има полна доверба од тренерот Ратко Достаниќ, а тој ја оправдува со одлични игри. Креира шанси, дели асистенции, постигнува голови. Неговите врсници се уште се надеваат дека ќе влезат во сениорскиот тим, а тој е веќе еден од најдобрите во елитната конкуренција. Лука Станковски го заслужи епитетот МАКФУДБАЛ – ИГРАЧ НА МЕСЕЦОТ за ноември/декември.
