МАКФУДБАЛ ИГРАЧ НА КОЛОТО: Сефер Емини (Македонија ЃП)

Македонија ЃП оствари важен триумф на гости (1-2) против Скопје и се приближи до средишниот дел од табелата. На Автокоманда блескава партија прикажа фудбалерот за врска, Сефер Емини. Ги извлече „лавовите“ од бездната и негативата со два фантастични гола ја претвори во успех.

Првиот гол го постигна со одлично изведен слободен удар, а потоа уште еднаш ја демонстрираше силината на шутот откако погоди од 30 метри за триумф на Македонија ЃП.

Со своето издание против Скопје, иако имаше огромна конкуренција во Мартин Мирчевски и во Давид Денковски, Сефер Емини е избран за МАКФУДБАЛ ИГРАЧ НА КОЛОТО. Тој го предводи МАКФУДБАЛ ТИМОТ НА 14. КОЛО.