МАКФУДБАЛ ИГРАЧ на колото: Џемал Ибиши (Шкупи)

Шкупи не ги регистрира планираните засилувања, ама „непланирано“ можеби и направи добра работа, затоа што актуелниот состав игра одлично на почетокот на пролетта. Тимот од Чаир забележа три победи, оваа последната – сигурна и убедлива против Пелистер.

Џемал Ибиши беше двоен стрелец, потсети дека е голем потенцијал, кој полека треба да се докаже и да прерасне во еден од најдобрите фудбалери во македонскиот шампионат. Ако игра како на мечот против Пелистер, навистина е на добар пат.

МАКФУДБАЛ го избра Џемал Ибиши за најдобар фудбалер на 21.коло во Првата фудбалска лига. Тој го предводи МАКФУДБАЛ ТИМОТ НА КОЛОТО.