Светската фудбалска организација ФИФА на церемонијата по повод ждрепката за Светското првенство 2026 за првпат ја додели новововедената награда за мир, која заврши во рацете на претседателот на САД, Доналд Трамп.
„Наградата за мир на ФИФА ќе се доделува секоја година на исклучителни личности кои преку своите упорни напори придонеле за промовирање на мирот ширум светот. Секој ден гледаме сцени од конфликти, страдаме за секое загубено детско животче и споделуваме болка со секоја мајка која изгубила близок. Нашата цел е да донесеме надеж, сплотеност и свет без насилство.
Вие навистина ја заслужувате првата ваква награда, која ја добивате на свој уникатен начин. Секогаш можете да се потпрете на мојата поддршка и на поддршката од целата фудбалска заедница“, му порача Џани Инфантино на Доналд Трамп.
