МАКФУДБАЛ ИГРАЧ НА ЕСЕНТА: РОЏЕРС МАТО (ВАРДАР)

Вардар е лидер на табелата по првиот дел од сезоната, а „машината“ на Гоце Седлоски најчесто работеше на погонот на Роџерс Мато. Кога беше најтешко, понекогаш и во последните секунди, брзоногиот напаѓач знаеше да погоди и да донесе триумф.

Мато е на врвот и на листата на стрелците, заедно со Басиру Компаоре од Струга ТЛ, а сигурно дека бројката (12) на голови можеше да биде и поголема ако не отуствуваше поради повреда на последните мечеви.

МАКФУДБАЛ го избра Роџерс Мато за најдобар фудбалер во Првата лига за есенската полуетапа. Тој го предводи МАКФУДБАЛ ТИМОТ НА ЕСЕНТА.