Велешта направи изненадување и со пресврт (2-1) го совлада Велазерими во 8.коло од Втората лига Запад. Гостите имаа предност се до петнаесетина минути пред крајот, а тогаш на сцена стапи Алтин Лога.
Офанзивецот на Велешта со два гола, во 76. и во 90.минута донесе победа за својот тим и три важни бода во борбата дури и за врвот на табелата во оваа конкуренција.
Алтин Лога е меч-мејкер за Велешта, а го заслужи и епитетот МАКФУДБАЛ – ИГРАЧ на 8.коло во вторите лиги.
Во следното коло, Велешта има ново големо искушение, гостувањето кај Вардар Форино.
