Дебитанскиот респект одамна веќе не создава нервоза кај Струга Трим Лум, па на домашен терен го земаа скалпот и на лидерот Вардар и на актуелниот шампион Шкендија. Стружани со пресврт стигнаа до три бода во дуелот со Шкендија и покажаа дека поседуваат завиден квалитет за прволигашка конкуренција.
Нијас Лена е движечката сила на составот на Струга Трим Лум на средината на теренот, а против Шкендија се претстави на одличен начин и како стрелец. Тој го постигна победничкиот гол за целосен пресврт против актуелниот првак. Со изданието дефинитивно го заслужи епитетот за најдобар играч на 16.коло во Првата фудбалска лига во изборот на МАКФУДБАЛ.
