Брегалница го чува врвот и предноста во однос на Тиквеш, а Дарко Додев е најзаслужен за триумфот (2-0) над Кит Го во 15.коло од Втората лига Исток. Тој беше стрелец на двата гола за штипскиот тим и тоа уште во првото полувреме од дуелот.
Додев одлично реагираше со волеј-удар уште во третата минута и го отвори резултатот, а пред крајот на првиот дел и вторпат ја затресе мрежата на противникот. Одигра одличен меч и заслужи да биде избран за најдобар играч на 15 коло во вторите лиги во изборот на МАКФУДБАЛ.
Во наредното коло, Брегалница ќе биде гостин на Слога Виница.
