Фудбалската репрезентацијата на Македонија до 19 години одигра нерешено 1-1 против соодветната селекција на Црна Гора во вториот контролен меч на тренинг центарот „ Петар Милошевски “.
Избраниците на селекторот Влатко Гроздановски одлично го започнаа натпреварот, беа подобар противник и пропуштија неколку добри прилики за постигнување гол во првите 30 минути од средбата. Во 36.минута, добрата игра нашата репрезентација ја круниса со погодок и водство од 1-0. Стрелец на голот за Македонија беше Бехар Фета.
Во продолжението Црна Гора притисна, нашите фудбалери се повлекоа и сето тоа резултираше со погодок во нашата мрежа. Стрелец на израмнувачкиот гол беше Виктор Џукановиќ во 80.минута. Воедно тоа беше и конечниот резултат на оваа средба.
Во 87.минута Aнтонио Мирков пропушти голема прилика да и донесе победа на нашата селекција.
