Младата фудбалска репрезентација на Македонија до 17 години доживеа убедлив пораз (0-5) од Србија на вториот натпревар од меѓународниот турнир кој се игра на тренинг центарот „Петар Милошевски“ во Скопје. Селекцијата на Тони Јакимовски по првиот дел имаше минимална негатива (0-1), но во второто полувреме комплетно се распадна и прими уште четири гола од подобриот ривал.
Младите македонски фудбалери во првото коло од турнирот го победија Кипар со 2-1. Марко Стојилевски и Зани Назифи беа стрелци на головите на тој меч.
