Фудбалската репрезентација на Македонија напредуваше три позиции на најновата ранг – листа на ФИФА и сега се наоѓа на 68. позиција. Скокот од три места е поради одличните настапи против Летонија и Словенија во квалификациите за Европското првенство во 2020 години. Избраниците на Игор Ангеловски забележаа победа од 3-1 против Летонија на домашен терен и ремизираа (1-1) на гости против Словенија. Тоа е одличен старт на новиот квалификациски циклус за македонскиот национален тим.
Следниот наш противник во квалификациите, селекцијата на Полска е 20. фудбалска сила во светот, е на 34. позиција на листата на ФИФА.
Словенија се наоѓа на 63. место, додека зад македонската репрезентација се Израел на 84. позиција и Летонија на 133. место.
На врвот на ФИФА ранкингот останува Белгија, пред светскиот шампион Франција и пред Бразил. Англија напредуваше за едно место и сега е четврторангирана, на сметка на Хрватска која доживеа пад од едно место. Во топ 10 уште се наоѓаат и Уругвај, Португалија, Швајцарија, Шпанија и Данска.
