Фудбалската репрезентација на Македонија забележа скок од едно место на најновата ранг – листа на ФИФА. „Црвено-жолтите“ на најновото рангирање се наоѓаат на 65.место.
Ова е најдобар ранкинг на нашата репрезентација после една година кога исто така беше на 65. позиција.
Фудбалскиот национален тим одигра 1-1 против Англија на домашен терен во последниот меч од квалификациите за ЕВРО 2024.
На врвот на листата нема промени. Аргентина е на првото место, пред Франција и пред Англија. Во Топ 10 се и селекциите на Белгија, Бразил, Холандија, Португалија, Шпанија, Италија и на Хрватска.
