Фудбалската репрезентација на Македонија остана на 62.место на рангирањето на ФИФА за најдобрите светски селекции. Со овој ранкинг „црвено-жолтите“ ќе патуваат на Европското првенство – најголемиот предизвик во историјата за нашиот национален тим.
Нашите ривали во групата на ЕП се подобро рангирани на ФИФА – листата. Холанѓаните се наоѓаат на 16. позиција, Австрија е рангирана на 23. место, додека Украина веднаш зад неа во рангирањето.
Нема никакви промени во првата „десетка“. Белгија е на првото место на ранкингот на ФИФА, пред Франција и пред Бразил. Потоа следуваат Англија, Португалија, Шпанија, Италија, Аргентина, Уругвај и Данска.
