Македонија ќе му пресуди на Јоаким Лев? Германците бараат негова смена пред ЕП

Јоаким Лев можеби и нема да ја предводи Германија на Европското првенство. Дебаклот од Македонија (1-2) како атомска бомба удри на германската фудбалска јавност која сега ја бара главата на селекторот. Медиумите и видните фудбалски личности бараат Јоаким Лев да биде сменет за Германија да не се посрамоти и на ЕП.

„Готово е со тебе, Лев. Фудбалскиот свет ни се смее. Федерацијата мора да преземе чекор и веднаш да го разреши, со овој селектор не ни се пишува добро на Европското првенство. Тој имаше одлични резултати со националниот тим во минатото, но тоа сега е веќе далечно минато за Германија“, истакнува „Билд“.