Освојувачот на Купот, тимот на Македонија ЃП, на стартот од натпреварувањето го завршува учеството во Конференциската лига. „Лавовите“ доживеаја и втор пораз од РФС Рига, овојпат победлив (4-1) и по они 0-1 во Скопје дефинитивно е јасно дека се надиграни комплетно од летонскиот претставник.
Седрик Куадио во 43.минута донесе водство за РФС Рига, а израмни Кристијан Стојкоски во 50.минута. Сепак, во продолжението летонскиот тим покажа дека е подобар ривал.
Седрик Куадио постигна втор гол за водство од 2-1 во 58.минута, а Стефан Паниќ ги разреши сите дилеми во 68.минута.
Конечниот епилог го постави Дмитријс Зеленковс во 86.минута од дуелот.
