Македонија ЃП и официјално го промовираше младиот голман Стефан Тасев како нов член на тимот за престојната натпреварувачка сезона.
Тасев доаѓа од младинскиот состав на Вардар, еден од најперспективните домашни голмани. Подмладувајќи го тимот за новата сезона претходно, како што е познато, Македонија ЃП потпиша и со членот на младата репрезентација на Македонија, Кристијан Стефковски.
Македонија ЃП го промовираше и Бразилецот Андерсон Барбоса како свој нов фудбалер за престојната натпреварувачка сезона во Првата македонска фудбалска лига.
21-годишниот Бразилец, кој доаѓа од редовите на бугарскиот Ботев Пловдив, треба да биде големо засилување за нападот во составот на Жикица Тасевски.
