Фудбалската федерација на Македонија ја потврди и втората ноемвриска контролна пресметка на А – репрезентацијата. На 20. ноември на Националната арена „Тодор Проески” ќе гостува селекцијата на Азербејџан.
Три дена претходно, исто така на нашиот најголем стадион, Македонија ќе одигра пријателски дуел против Финска.
Нашата најдобра селекција со истите противници се соочи на контролни натпревари во турски Белек, во март 2018 година. Против Азербејџан одигравме 1-1, додека без голови заврши мечот против Финска.
