Украинскиот голман Андреј Лунин го продолжи договорот со Реал Мадрид до 2030 година. Иако се најавуваше негово заминување, тој одлучи уште шест години да остане на „Бернабеу“.
Лунин минатата сезона доби довербата поради повредата на Тибо Куртоа, но во финалето на ЛШ сепак шанса доби белгискиот голман.
Лунин дојде во Реал во 2018 година. Украинецот е меѓу кандидатите за освојување на наградата „Јашин“ за најдобар голман во сезоната 2023/24.
