Лукаку повторно се повреди

Ѕвездата на Интер и репрезентативец на Белгија, Ромелу Лукаку, заработи нова повреда на мускулот и ќе го пропушти дуелот од Лигата на шампионите против Баерн Минхен.

Сепак, се очекува Лукаку да биде достапен за Светското првенство во Катар откако ова му е втора повреда во последните два месеци.

Лукаку од почетокот на сезоната во Серија А одигра само четири натпревари, постигна еден гол и забележа една асистенција. Учествуваше и на еден натпревар во Лигата на шампионите, постигнувајќи гол.